網購小知識 - 2021日本福袋攻略(内含各大品牌福袋網站)

【2021福袋攻略】

又就黎到瘋狂掃日本福袋嘅時候啦，其實日本嘅福袋早在10月尾已經開始搶購，隨著越黎越近新年，福袋搶購潮只會越黎越如火如荼呀！買福袋，又唔一定要好似係日本咁排曬長龍攞籌嘅，上網買然後用Buyippee咪可以安坐家中狂掃福袋咯~即刻碌落去睇下各個人氣福袋啦！

福袋係日本新年，好多商家趁年尾清貨都會推出嘅產品，福袋通常售價比入面貨物總價值平好多，所以真係超抵買！而購買福袋都有好多途徑，包括大型購物平台例如日本樂天市場、日本Amazon等等。

身在日本嘅話通常1月頭會係日本各大百貨開賣，但係今年去唔到日本....都唔緊要！因爲日本好多百貨公司同品牌都有網上商店，一樣買到福袋！有d仲係網上限定~ 網上福袋好多都係預購形式，係10月尾已經開始緊嫁啦，預購會一路持續到12月尾，如果你想買特定牌子嘅人氣福袋，真係要提早mark定呀！

福袋大部分都唔會事先公佈内容嘅，更何況個個福袋都唔一樣~不過，各大品牌嘅福袋其實上網都好多人討論，如果想知福袋入面有咩内容，或者想知呢個福袋伏唔伏，可以去youtube睇下開箱片~ B仔覺得，最重要都係揀返d岩自己平時style嘅牌子，咁就唔洗擔心唔中意啦~

1. 福袋大部分都係預購形式，大概到12月尾至1月先發貨，記住做定心理準備未咁快收貨。2. 日本宜家做緊實重優惠，但都要留意體積唔好超過上限呀~